SUN搞作：少膽虫手記：現眼「喪」報
淫賤黎收到電話即刻趕到醫院，左騰右騰咁搵手術室。「黎黎！黎黎！」少膽虫喺醫院走廊淚奔，撲向淫賤黎：「我哋嘅BB死咗喇！」淫賤黎反應唔切：「BB？死咗？」少膽虫委頓在地，捶胸大哭：「我哋搞出嚟嘅《喪報》，終於喪命喇！」
「啪啪啪！」淫賤黎左右開弓，賞少膽虫幾巴。「最衰都係你！明明係你搞大，做咩唔自己養，畀咗『基佬』佢睇？養到兩歲咁大，依家壹個睇漏眼就死咗喇！」少膽虫百辭莫辯，自己的確疏忽照顧，只好話：「咁我估唔到出去hi-tea一陣都會出事嘛！你係壹全霉腦細，你無責任咩？」
「哼哼！我都未話你呀賤人！話我？」淫賤黎轉身迴旋踢，將少膽虫踢去走廊盡頭。「你估我唔知《喪報》係你同其他人生嘅孽種咩？」淫賤黎想卸膊畀人，於是怒罵：「你創刊嗰晚，同個封面編輯勾勾搭搭，唔好以為我唔知！」少膽虫先至憶起嗰晚一齊纏綿嘅編輯「安安」，重溫好多歡愉嘅時刻，嘴角口水直流。
轉念又想，唔怪得安安佢一早棄暗投明，幫手用念力整死《喪報》啦！因為淫賤黎慣A字膊賴人，正如壹全霉對外遮醜講：「專注於其他有利可圖的業務上」，即係咩？即係乜都唔使做囉！
