十八年一條無賴 壹淫媒侵權斷正
「一次做無賴，一世係無賴」，呢句說話果然一啲都冇講錯。呢，淫賤黎旗下嘅壹淫媒就係人辦喇，十八年來，壹淫媒一直秉承呢種無賴嘅風格，不斷侵犯東方報業集團知識產權，花樣百出，無奇不有，簡直係無賴中嘅極品。
嗱，壹淫媒又斷正嘞。今年五月，壹淫媒旗下嘅《蘋果日報》及《忽然1周》前後刊登一張女藝人王菲的新聞照片，其實照片版權乃東方報業集團所有，而且已經先後喺東方互動網、《東方日報》同《太陽報》刊登。東方於是採取法律行動追究，要求禁制有關侵權行為並賠償，壹淫媒最終跪低求和，向法庭繳交四萬零二元作為「附帶條款付款」，以及支付合共四萬五千元律師費。
所以話，人哋十八年後又一條好漢，壹淫媒就十八年後又一條無賴。十八年嘞，壹淫媒侵犯東方知識產權累計四十九次，單單向東方賠償或繳款法庭嘅金額已經合計超過一百三十萬元，案例仲厚過電話簿，咁都死性不改，繼續犯案，壹淫媒何止淫賤不能移，直頭無賴不能移添吖！
「東方做，蘋果盜」，壹淫媒侵權行為早已引起全城公憤。正如學者宋立功話齋，被擅用嘅新聞圖片往往係報館嘅獨家照片，侵權行為嚴重侵犯他人利益；壹淫媒作為傳媒機構，旗下刊物卻一而再侵犯別人版權，有漠視新聞操守之嫌。立法會議員陳偉業更直斥，壹淫媒違反新聞道德，認為港府應該考慮加強罰則，提高阻嚇力。
唉，如果壹淫媒有新聞操守同新聞道德，就唔會用盡種種卑劣手法侵權啦；又如果港府肯依法辦事，重罰侵權慣犯，壹淫媒就唔會有恃無恐，侵權當食生菜啦。唔知係偶然定係必然，早喺九六年，爛果報已盜用東方擁有嘅王菲懷孕搭飛機獨家照片，東方告上法庭贏咗官司，法官居然掉番轉頭懲罰東方，要替敗訴嘅壹淫媒埋單畀堂費，東方上訴到終審法院至討回公道咋。你話嘞，壹淫媒侵權侵足十八年，港府顛倒是非，唔係幫兇又係乜吖？
無恥係壹淫媒嘅代名詞，要淫賤黎洗心革面，痛改前非，可能性仲低過叫菲律賓三世祖總統講一句道歉。太一叮始終都係嗰句，睇新聞，睇東方，東方嘅新聞內容最新最準，好過睇壹淫媒執人口水尾嘅二手貨吖，叮!
