SUN搞作：少膽虫手記：挖角不成之謎
「一於請佢返嚟炒咗你，擴闊我哋嘅生存空間！」淫黎邊講邊指住部爛電視流晒口水。聽到呢句，少膽虫丟低手頭上份炒魷名單，金睛火眼咁睇電視，但見三千幾人坐滿成個山頭，圍住個拎住鬆弛熊手機嘅四眼中年漢……「一定係人材！《爛果》啱晒佢！」淫黎拍拍肥肚腩，眼裏閃出攫攫的光。
「佢唔啱你o架！」少膽虫深感不忿。「醒過你就得啦！」呢句說話，猶如利刃插入虫心，「腦細，人哋一年燒幾億，又唔會好似我咁，心繫『一男子』……」淫黎聽到，一巴摑落少膽虫度：「死蠢！入得嚟，佢嘅嘢咪即係我嘅嘢囉！」唔理畀人打，少膽虫繼續辯駁：「以後冇一言堂o架喇！」淫黎馬上再摑多巴：「咪屈我！我不嬲都好開明，搞美劇仲啱晒我認祖歸宗添！」
少膽虫摸摸腫晒嘅兩頰，大嚷：「佢係人心所向呀！」淫黎有點猶疑：「你講咩話？」少膽虫馬上乘機：「炒班細嘅魷魚，大家仲好愛佢……」淫黎自知理虧，嚥了嚥口水，「腦細，佢入到嚟，你無掟企o架喇！」然後，誓要維持腦細霸權嘅淫黎，終於放下呢個念頭。
