香港中文大學五十周年校慶,尋日向包括前市政局及立法局議員Elsie杜葉錫恩、中國工程院院士鍾南山等五位社會賢達頒授榮譽博士學位,最令人感動係年屆一百歲嘅Elsie雖以輪椅代步,但仲好好精神上台戴四方帽,全場即刻掌聲雷動向她致敬。

沈祖堯(右)向坐輪椅的Elsie頒授榮譽社會學博士,表揚她終身服務市民的精神。

年屆一百歲嘅Elsie仲係好好精神。

咪睇Elsie年屆百歲,查實佢仲好精靈,佢坐喺台上前排,全程投入活動,仲不時同全場一齊鼓掌添。中大校長沈祖堯向Elsie頒授榮譽社會學博士,表揚佢半世紀以來,摒棄國籍同文化嘅差異,畢生為香港草根階層出錢又出力,無私精神令人敬佩。

Elsie五十年代大學畢業後由英國來港,佢出任市政局及立法局議員三十幾年,任內正直敢言,積極打擊貪腐,算係本港肅貪倡廉的重要推手。佢喺一九五五年創立慕光英文書院,現雖年屆百歲,出入以輪椅代步,右耳年老不靈,依家仍出任書院校監,以學校宿舍為家,春風化雨。

第一手消息請下載on.cc東方互動iPhone/iPad/Android/Windows Phone Apps