城中鏡：田二少爆炸頭去P
時下唔少女性鍾意不時改變髮型搞搞新意思，但對於短頭髮嘅男士嚟講，要改變原來髮型簡直係難過登天。立法會議員「田二少」田北辰尋日喺社交網站上載幾張新相，相中嘅佢並唔係梳平時嘅蛋撻all back頭（向後梳），而係七十年代非常流行嘅爆炸頭。
田二少嘅懷舊扮相非常搞笑。
雖然爆炸頭已經冇流行咗足足四十年咁多，但相中嘅田二少就似乎非常鍾意佢嘅新髮型，佢話尋日得到行政會議成員史美倫同佢老公查懋成邀請，搭船去愉景灣酒店出席狂歡派對。佢話尋晚嘅派對以懷舊為主題，出席賓客要着上六、七十年代嘅懷舊服飾，於是佢就戴上爆炸頭造型假髮，同大家玩個痛快。
