城中鏡：楊崢陳智思分享住家飯
本月十七日係國際滅貧日，樂施會喺當日會舉辦「回家吃飯」籌款活動，鼓勵市民喺當日返屋企食飯，同家人樂敍天倫之餘，亦可捐出慳落嚟嘅晚飯錢，協助全球近九億人免於捱餓，分享飽足嘅溫暖。該會仲特登邀請咗該會董事會副主席、行政會議成員陳智思，同埋樂施大使森美同楊崢，為活動拍攝宣傳片，呼籲公眾參與籌款活動。
楊崢簽名支持籌款活動。
陳智思拍「回家吃飯」宣傳片時，表現得好自然。
有公職王之稱嘅陳智思，雖然平日工作好繁忙，但仍堅持盡量返屋企食飯，陪太太同囝囝。佢話：「我覺得食晚飯嘅過程，仲有之後執枱同洗碗，都係親子嘅時間。」美女廚神楊崢唔單止最愛返屋企食飯，有時仲會親自下廚，為家人炮製美食。佢話：「我覺得可以同家人同枱食飯，期間無所不談，係一件最開心嘅事。」
