【本報訊】火警中不少車胎、汽油、電子零件等廢物被焚，有毒黑煙直攻民居惹不滿。香港教育學院科技及環境學系助理教授曾耀輝指出，車胎為塑膠，燃燒時會釋放出大量懸浮微粒及揮發性有機化合物，而汽油被燃燒時則會釋放二噁英，兩者均釋出有毒及具刺激性物質，令人不適咳嗽，長期吸入更可致癌。
全屋熏黑 居民叫苦
村民陳小姐與家人同住毗鄰的村屋，火警時幸一家人外出，聞訊後趕回家了解災情。她坦言寓所四周都是回收場，近年已多次發生火警，每次火勢均異常猛烈及冒出劇毒黑煙，她大感無奈：「燒過好幾次o架啦，次次都好勁，搞到空氣污染，呼吸困難！」又指：「可能出面啲電線燒爛咗，搞到我屋企停電，要用電筒入去……所有嘢都熏黑晒！上面全部都係灰！我哋喺屋企隔籬都種咗啲果樹嘅，部分都燒毀咗，未知損失。」
街坊余先生亦對橫台山回收場經常起火感不滿：「附近全部都係回收場！佢哋擺咁多廢物喺度唔緊要，但要好好儲存管理！唔好搞到成日火燭或者有人受傷！好似今次咁，路口就係老人院，如果燒到過去好危險！而且空氣污染好勁，天空濃煙密布漆黑一片，好誇張！」
第一手消息請下載on.cc東方互動
