SUN驚奇：亂留鬚會影響運程
正所謂「相由心生」，從面相學角度而言，每一個面部特徵，都會影響運程，玄學家指出，並非人人適宜留鬚，人中短小的男士留鬚，可防止「漏財」，改善財運；但眼神較弱的男士留鬚，卻會影響人際關係。
眼無神者不宜
「無人中或者人中較短嘅男士，過咗三十五歲之後會漏財，如果留鬚，就可以兜返住啲財，改善財運。」玄學家方海閱指出，有人留鬚雖可加強運勢，但部分人卻可能適得其反，「如果個人本身眼神較弱，睇起上嚟烏眉恰睡咁，留鬚反而會影響佢嘅人際關係。」
另一名玄學家吳佩孚則表示，植鬚雖屬「後天加工」，但對運勢依然有影響，他說：「即使啲鬚唔係天然，對運程都會有一定影響，只係影響無天然咁大，同埋最緊要植得自然，唔好睇落巖巖巉巉，唔係人哋睇落都唔順眼！」
