尋日舉行嘅第三屆「花旗集團大學生社責實踐計劃」，佢哋嘅香港同澳門區行長兼行政總裁盧韋柏（Weber），竟然放棄出席集團喺北京嘅董事宴會，頒埋嘉許狀畀學生先去公幹。Weber話，其實佢尋日已經由朝早八點開會開到中午，途中仲有兩秒諗過搭早一班機去北京，但最後因為想見吓啲學生，同佢哋打打氣，咪惟有改搭五點機囉！

盧韋柏（中）寧願搭遲一班機，頒埋嘉許狀畀班大學生先飛去北京公幹。

講番喺北京個董事晚宴，大家都知道呢排北京成日塞車，所以Weber都話希望夜晚去到時候交通會順暢啲，因為班機去到都要夜晚九點幾，如果再塞一塞就連同其他董事飲杯嘢都趕唔切！

其實班學生都好有心，知道花旗集團近幾年好支持加強大學生對社區嘅了解，所以佢哋特登整咗張大型心意卡送番畀花旗，上面仲有好多個蝴蝶圖案，非常有心思。

第一手消息請下載on.cc東方互動iPhone/iPad/Android/Windows Phone Apps