香港各界尋日喺尖沙咀舉行慶祝雙十節暨辛亥革命一百零二周年酒會，除行政院大陸委員會副主任委員張顯龍由台灣飛抵香港出席，仲有多名本港政界人士，包括立法會議員黃毓民同梁家傑等。不過，我哋竟然喺嗰度見到曾出任候任特首辦項目主任嘅Allen馮英倫。連特區政府都唔畀面派官員出席嘅活動，點解Allen會出現呢？

馮英倫話以前同台灣部分駐港機構有聯繫，所以應邀出席酒會。

Allen話以前經常同台灣部分駐港機構，包括台北經濟文化辦事處、台北貿易中心及駐香港嘅遠東貿易服務中心等有聯繫。人哋每年都邀請佢出席，但佢每年都唔喺香港，今年咁啱喺度咪捧吓場囉！

第一手消息請下載on.cc東方互動iPhone/iPad/Android/Windows Phone Apps