SUN搞作:少膽虫手記:印尼?NO!
少膽虫採耳期間,見到眼前《爛果》員工東奔西走忙到嘔,突然醒起,自己唔可以再咁落去,於是彈起身走去做嘢。
點知行到半路,記者菜嫌貴唔知喺邊度埋伏,突然衝出嚟,推倒少膽虫……
「撞鬼咩你,行路唔帶眼……」少膽虫喺地下典吓典吓呻吟。「啱喇!腦腫,我咁啱就係想搵你!」菜嫌貴將手由少膽虫香肩縮開:「印尼有大鑊嘢!做唔做A1頭條?」
「印尼?NO!」少膽虫勉力起番身,諗起自己要做嘢。菜嫌貴海棠春睡般瞓低,但仍拉住少膽虫手:「唔係喎,佢哋唔畀人問人質事件,仲畀人沒收記者證同趕走!」
「NOW,OUT!」少膽虫將佢拖行到茶水間,不斷嗌:「NOW,OUT!」
「唔止『現在』電視台記者喎,仲有講台、傷台呀!」菜嫌貴死唔斷氣。
少膽虫真係佛都有火,惟有學腦細淫賤黎平時咁做,一腳伸落佢度:「我話我去緊漉印尼撈,唔好阻住我食麵呀!OUT!」