SUN搞作：網絡小說：分享是常識吧
幼稚園「爭表潮」搞到咁大鑊，本地家長終於忍唔住，唔上街抗議都唔得，大批家長殺到貪曾屋外歇斯底里高呼：「雙非搶奶粉又搶學位，我哋港人好冇保障！」另一家長跟住大叫：「完全係貪曾嘅禍害，佢根本冇理過我哋嘅死活，生仔嗰陣已經冇床位o架啦！」
貪曾聞言卻處變不驚，站在露台前，看着前面一大班怪獸家長嘆氣道：「唉……又關我事……」徐徐拿起手中相機，拍下壯觀的人龍畫面放上網廣傳分享。誰知此舉更激起家長的怒火怒駡他：「乜嘢都畀人分享，係你冇做好人口政策！」
貪曾一臉懊惱，望住家長苦笑着說：「我忙住同人分享靚酒，邊有時間理啲政策吖！」
