代理鐘錶品牌嘅香港鐘表業總會前主席兼百利建集團董事總經理Daniel陳正欣，舊年跨過界代理有四十年歷史嘅英國男裝品牌，睇嚟愈做愈興起喎！

陳正欣推開密封嘅木門，進入裝修緊嘅店舖巡視。

日前見到佢喺置地廣場出現，行到一間用木板封住晒嘅舖位門口，自己郁手開門入去，原來佢嚟睇吓分店嘅裝修進度。

佢話新舖預定今個月底開幕，佢擔心裝修進度跟唔上，所以專程去睇吓，睇完之後個心安樂晒，因為進度良好。佢話舊年十月首次引入呢個時裝品牌，首間分店位於銅鑼灣，受到眾多內地同香港一線男星愛戴。不過，如果想消費者熟悉，免不了要開多幾間分店，所以佢咪打鐵趁熱，喺中環嘅品牌集中地開分店。咁下一步係做乜嘢生意呢？佢笑笑口話，嚟緊打算引入意大利鞋履品牌，預計首間店舖明年初開幕。

第一手消息請下載on.cc東方互動iPhone/iPad/Android/Windows Phone Apps