美國聯儲局推出新嘅一百美元鈔票，今日開始喺市面流通，較原定推出時間遲咗足足兩年半。新鈔同舊鈔最明顯嘅分別，係採用現代化同富色彩嘅防偽特徵，花咗咁多心機，一於睇吓呢張新鈔仲有咩咁特別啦。
新鈔除咗會繼續使用難以複製嘅紙質，新設計兩大亮點分別係一條藍色3D立體保險線，打側時會有圖像浮現，同埋一個銅紅色嘅墨水印，打側時會轉變為綠色。
