政壇：內經委會翻生摑正貪曾
政府尋日公布成立香港與內地經貿合作諮詢委員會，聚焦探討本港企業及人才喺內地發展嘅商機，委員會主席由蘇澤光出任，副主席就係鄭家純同李宗德。內經貿委員會前身係由首任特首董建華喺○四年成立嘅大珠三角商務委員會，但當時個委員會好似孤兒仔咁冇乜運作過，唔知依家變身後，會唔會多番啲活力呢？
設計圖片及對白
委員有齊梁唐營
蘇澤光話二十三名非官方委員成立大珠三角商務委員會，當時係希望委員會就如何加強粵港經濟合作提出策略建議，但董建華喺委員會成立約一年後下台，繼任嘅「貪曾」前特首曾蔭權爵士對研究港商喺內地發展商機漠不關心，成個委員會由成立到結束都無機會到內地考察，更加講唔到有乜嘢建樹，呢啲都係貪曾一手造成嘅。
如今委員會揚言月底首次會議將討論工作時間表、委員會架構同考察方向，睇嚟今次呢個委員會終於都可以做番啲實事喇！換言之，等於大巴大巴摑貪曾冇做好呢份工。
中有唔少係商會會董，相信委員可以分享經驗及給予實際建議，以便協助專業人士去內地創業，並鼓勵香港年輕人認識內地，進一步加強本港同內地經貿合作。至於委員會嘅職能會唔會同政府早前成立嘅金融發展局重疊，蘇澤光就強調金發局專注金融發展，而委員會就會涵蓋貿易自由化、投資便利化，及專業人才就業機會等議題，相信兩者可以互補不足。
內經貿委員會非官方委員入面有齊梁、唐兩營嘅商界人士，梁營代表人物包括蘇澤光同鄭家純，而唐營就有中華廠商聯合會會長施榮懷，而國務院港澳辦前主任魯平嘅仔魯恭亦都榜上有名。
