SUN搞作：SUN官場現形記：「速生」靠害
貪曾見到有人大排長龍，以為又有着數拎，自然九秒九上前排埋一份，點知一行埋去問吓排咩嘅時候，就畀人鬧到一面屁……
貪曾︰想請問呢度排緊咩呢？
家長：爆喇，爆喇……
貪曾：咁快爆晒，無着數拎喇？
家長：的確幼兒中心爆棚無位，但我係話我嬲你嬲到就爆！
貪曾：又關我事，唔好咩都賴我……
家長：你淨係識叫人生，但又無配套，仲唔關你事？
貪曾：咁我諗住叫人速速生多啲，你哋咪可以拎多啲免稅額。
家長：仲扮好人？不過我依家唔教訓你，你將來都會日日畀人打！
貪曾：點會，十年廿年後，仲有邊個記得我？
家長：你隻「畜牲」，淨係叫人「速生」，啲小朋友大個咗，知畀你害咗鑊，大個仲唔見你一鑊，打你一鑊咩？
貪曾：@##$$%%%^^
