城中鏡：李垂誼將「獅子山」帶到青海
《獅子山下》係香港人耳熟能詳嘅一首歌，早前大提琴家李垂誼去青海進行慈善探訪時，就喺高原演奏呢首歌，讓香港嘅名曲飄揚喺青海高原上，亦溫暖當地貧困兒童嘅心。
陳晴（右）與李垂誼早前一齊赴青海，李垂誼仲喺高原演奏《獅子山下》。
港澳辦前高官陳佐洱嘅女兒陳晴（Judy）都有參加呢個活動，佢尋日出席慈善音樂活動時透露，李垂誼啱啱出任聯合國兒童基金會大使，早前佢哋一齊去青海慈善探訪，李垂誼嘅大提琴絕技喺唔少音樂廳打動人心，今次就喺高原演奏一曲《獅子山下》：「當地嘅小朋友雖然未聽過呢首歌，但都聽得好開心。」陳晴都忍唔住讚嘆，「音樂真係好Amazing！」佢仲話，藉着今次慈善音樂活動，將有更多家境貧困嘅小孩獲得幫助：「畀佢哋可以申請資助學音樂，等每一個小朋友都有平等嘅機會去追夢。」
