擴建三個堆填區嘅建議喺暑假前觸礁，環境局及政府一直想捲土重來，弊在打鼓嶺堆填區滲漏問題一直未解決，缸窰河水質污染物仍超標，環境局局長黃錦星卻話之你，一邊厚面皮承認缸窰河水質仲有三項檢測超標，另一邊就急急同十八區區議會正副主席會面，圖游說支持擴建堆填區，一波未平又想另點火頭，佢係太傻定係太「有為」呢？

打鼓嶺堆填區滲漏污水問題早在七月已發生，事件發生近三個月，黃錦星前日話防漏搞唔掂；至於檢控就希望喺事發後半年內考慮檢控有關承辦商喎，留意佢哋係考慮咋，換言之，今年內都唔使望啦。

第一手消息請下載on.cc東方互動iPhone/iPad/Android/Windows Phone Apps