立法會所有會議一直都有提供英文即時傳譯服務，至於普通話，只有每周大會質詢、特首發表施政報告、財爺發表預算案同特首答問大會等環節，秘書處會提供恒常、但有限度嘅普通話即時傳譯服務，不過行政管理委員會早前開會後決定，將普通話即時傳譯服務擴展至所有立法會會議。
議員喺立會嘅口語要一一傳譯都唔易，如「生果金」譯做「水果金」、「hea」會譯做「打發時間」，呢啲生鬼嘅廣東話翻譯做普通話，應該可以令到不諳廣東話嘅人更了解本港嘅政策。
