政壇：亞視暗踩《明報》報道失實
自詡公信力第一嘅《明報》，自從十月一日喺即時新聞誤將特首梁振英「稍後即將致辭」寫成「稍後即將辭職」後，此事已經成為報界大笑話，就連五勞七傷嘅亞洲電視台都忍唔住暗寸《明報》兩句。話說尋日《明報》一篇報道講到亞視有員工爆料，話節目《微播天下》兩星期後停播，又話有員工上個月嘅糧都未出，經常出錯嘅《明報》報道當然惹來質疑啦。
本報尋晚就有關報道向亞視求證事件嘅真相，雖然亞視無否認指控，但發言人就透過電郵回覆話：「你還能相信明報嗎？它不是說特首也辭職嗎？！」明眼人一睇就知係亞視暗踩《明報》經常報道失實啦。據了解，亞視員工一向都係每月三十號出糧，雖然今個月有員工到二號先至出糧，但其實都係法例容許範圍以內嘅。
