SUN搞作：網絡小說：邊個話唔可以消滅貧窮？
貪曾其實都好認同，貧窮無可能消滅。「即係咁，我食慣山珍海錯，班窮人就未食過，等陣佢又話要餐餐食先算脫貧，咁呢個世界邊有咁多東星斑呀、花膠呀、鮑魚先？上帝你都造唔切啦，你話係唔係？」「唔……」上帝沉吟。
貪曾又再解畫，掩飾自己唔起公屋。「屋呢，我都知人人都要，而且其實大家要求唔高，想要三四百呎穩定居所咁啫，不過大家又有無諗過，失去比從來無得到過更令人傷心先？我間深圳禮賓府呀！眼白白睇住佢就快裝修好，竟然無得住，你話幾黯然呀！我無得住，你班香港人都無得住！」
「嘩……你條……」上帝忍住。
貪曾悲從中來，無大無細，高呼上主：「神呀！我要見教宗！我明明應承晒嗰條專搞細路女?意大利淫蟲所有要求啦，點解都唔畀？你係唔係玩嘢？哎呀！」
「係。」上帝說。於是貧窮就這樣消滅了。
