平日喺一啲公眾場合,太子珠寶鐘錶公司主席及行政總裁鄧鉅明同太太鄧宣宏雁都有影皆雙,但前晚只見鄧太獨自出席一個餐舞會。點解?鄧先生去咗邊?原來要忙其他嘢。鄧太話老公要去錶展,招呼客人,所以唔能夠陪佢一齊嚟。被問及有冇計劃去旅行時,佢話:「嚟緊有啲新工作,應該出年先可以去到。」跟住佢又話囝囝依家讀緊小學五年班,佢經常要幫手睇囝囝啲功課。再問到囝囝有冇爹哋嘅魄力同咁勤力呀?佢笑着話:「仲未feel到。」

鄧宣宏雁(右)同好友林建康夫婦喺餐舞會上喜相逢。

第一手消息請下載on.cc東方互動iPhone/iPad/Android/Windows Phone Apps