聯合國兒童基金香港委員會副主席紀文鳳尋日出席一個短片頒獎禮，宣揚家長應該畀小朋友玩多啲嘅訊息。佢感嘆「怪獸家長」愈來愈多，不過都同情佢哋，因為學位爭崩頭令細路仔同父母都辛苦，由BB出世開始就不停幫佢計劃，近排都多咗好多細路自殺嘅報道。
紀文鳳
紀文鳳透露，自己喺八兄弟姊妹中排行第三，當中六個都係女，細個鍾意一齊玩「跳飛機」、「橡筋繩」等等嘅玩意，全部都唔使錢就玩到，唔似時下好多父母因為得一粒仔就乜嘢遊戲機都肯買，搞到佢哋機不離手。
