官場接連有人跳船，但係亦有人疑似對呢頂烏紗帽情有獨鍾。南區區議員馮煒光去年因為應徵副局長一事同白鴿黨鬧翻，之後仲索性退黨專心應付副局長面試，事隔一年，近日佢忽然表明無意連任下屆區議員，話要專心從事佢嘅文化公關工作，依家距離下屆區議會選舉，仲有兩年時間，點解佢要咁早揚聲呢﹖唔通仲心掛掛入官場？

設計圖片

政府日前宣布委任梁敬國出任商務及經濟發展局副局長，梁敬國話佢早喺去年政府公開招聘副局長及政助時已遞表應徵，即係話，事隔一年多後先獲聘任，咁可唔可以理解為其他舊年申請嘅人仲有機？我哋問過首批有份應徵嘅馮煒光，佢話自己當時應徵民政事務局同文化局副局長，前者最後就搵咗許曉暉出任，而文化局就因為新政府架構重組過唔到立法會一關而流產。

至於餘下兩個副局長空缺，馮煒光話面試至今一直冇人搵過佢，相信自己已經落選，而且佢對餘下兩個政策局負責嘅議題唔係好熟悉，所以都唔會再主動申請。

第一手消息請下載on.cc東方互動iPhone/iPad/Android/Windows Phone Apps