政壇：陳光明破禁帶手機遊北韓
潮青名譽參事陳光明（Johnny）日前以香港青年才俊朝鮮訪問團副團長身份，帶隊赴北韓，由於佢以貴賓身份入境，竟然可以成功打破禁忌獲准帶手提電話闖關，朝鮮軍官好認真咁話，佢哋係無手機網絡，就算有手機都打唔通，所以Johnny將手機當相機用。此行佢同十幾位商界才俊同行，團友均獲貴賓式接待，初次到訪，佢嘅感覺係好似回到七十年代嘅中國。
陳光明（右三）日前為一班朝鮮中學生送上零食同文具，令當地人好感動。（受訪者提供）
Johnny話當地人求知欲好強，不時好奇問佢哋到底香港係點嘅？香港人又點睇朝鮮？一般外界認為遊覽北韓應該禁忌多多，但佢去到板門店、三八線參觀，都係照樣用手機影相。
