「死唔係問題，咁邊個最淒涼呢？」單親媽媽陳笑琼的兩名兒子半年相繼自殺殉情，剩下她孤身隻影，含淚獨守亡子的靈位，道出一名母親的肺腑之言，她寄語年輕人珍惜生命，在萌生死念時要想到親人更淒涼，「命得一條o架咋，死咗乜都冇，最傷心永遠都係父母同屋企人！」琼姐雖然要承受連喪兩子之痛，但仍深信生命可貴，會堅強活下去，她考慮將兩子的骨灰龕安放在一起。鑑於琼姐經濟出現困難，太陽報愛心基金將再次撥款協助購買其大仔的骨灰位。

苦媽媽寄語年輕人珍惜生命，她會堅強活下去。

琼姐在家中上香拜祭愛兒。

大仔盧偉鵬

細仔盧偉俊

琼姐的大仔盧偉鵬（三十二歲）今年二月情變，割脈上吊雙料自殺，陳屍四日始被發現，想不到喪子傷口未愈，細仔偉俊（二十六歲）大前日與同居女友分手後，在深水埗劏房吞安眠藥及燒炭雙科自殺身亡，令她傷口再度灑鹽。琼姐昨晨在彩德邨寓所內上香拜祭愛兒，她計劃將阿俊遺體火化，身後事一切從簡，「早幾日先收到食環署通知，話大仔嗰骨灰位中咗籤，等埋封信就可以揀位，仲諗緊點籌嗰幾千蚊，點知個細嘅又突然走埋……」琼姐表示，希望將兩兄弟的骨灰一同安放。

寄語年輕人珍惜生命

望着愛子的靈位和細仔送給她解悶的貴婦狗，往事不斷浮現眼前，琼姐含淚稱自己已十分僥倖，兩兄弟從小到大一直循規蹈矩，從未行差踏錯，又敬重長輩，大仔偉鵬最疼愛胞弟，死前還預留數千元給他學車，望胞弟能自力更生，兩兄弟生前均夢想組織美滿家庭，生兒育女，想不到最後竟狠心拋下她。琼姐只能期盼：「希望佢哋下世唔好再做傻事，凡事睇開啲、開心啲，下一世去好啲嘅家庭，唔好好似今世咁淒涼、咁辛苦！」

兩子都為情而放棄生命，但愛恨將入土，琼姐表示不會埋怨任何人：「我唔會怪佢（偉俊女友），怪佢又點啫，個仔又唔會翻生！」她哽咽道：「自己咁後生，搵唔到咪搵第二個，就咁走咗根本就係自私，年輕人要珍惜生命，唔係為任何人，係為自己，死咗乜都冇！」自偉俊死訊傳開，一眾好友大為錯愕，紛紛在facebook上留言哀悼，有好友慨嘆：「喺朋友最需要我嘅時候我不在，後果就係咁？」又有好友祝願他一路好走。

捐款編號：912466

第一手消息請下載on.cc東方互動iPhone/iPad/Android/Windows Phone Apps