城中鏡：雷軍率小米登財富榜
有「雷布斯」之稱嘅雷軍，佢揸Fit嘅小米公司，呢排好紅，好多人都將佢嘅成就同蘋果公司創辦人喬布斯比較。按《財富》中文版尋日公布嘅「最受讚賞的中國公司」排行榜，同埋早前公布嘅胡潤榜，就知佢厲害。喺《財富》榜中，小米成為有史以嚟最「後生」嘅上榜公司！
雷軍帶領小米成為《財富》榜中有史以嚟最「後生」嘅上榜公司。
今年有十一間公司新上榜，小米排行第十一位，僅次格力電器，果然不負一眾「米粉」所望。阿里集團今年洗脫舊年做「阿二」嘅污名，爬上冠軍寶座，百度就衞冕失敗，跌落第二位。
早前公布嘅胡潤IT及娛樂富豪榜，排名十一位嘅雷軍，財富較舊年增五倍，成為今年IT榜中財富增長最快同最多富豪。兩個榜之中，相信雷軍會like「最受讚賞中國公司」呢個多啲，佢曾經講過「當你知道你持有嘅股票市值超過一億元後，財富對你來說就只是一個數字而已，沒有特別意義。」
