科技發展愈嚟愈發達,唔單止係用嚟研發電子產品,仲廣泛應用喺好多日常生活之中,除咗最常見又最留意嘅美容化妝之外,連飲食都融入更多科技elements,好似一條好amazing嘅小黃魚。

黃琬儀話透過生物科技公司嘅研發技術,以減低營運成本。

主打上海菜嘅小南國,佢哋嘅投資者關係高級總監Louisa黃琬儀推薦「小黃魚」呢道菜。有乜特別?唔好睇小佢,因為條魚係用咗「低溫快速微凍技術」,由上海運嚟香港。

呢個技術非常架勢,可以將條魚喺短期間保存喺低溫,作「保鮮」之用,兩、三日後解凍,條魚仲可以「翻生」游水!嘩,咁似啲科幻片劇情。

呢個技術係小南國早前投資一間生物科技公司所得,因為公司會喺上海大量採購小黃魚,以減低成本,但係雪藏太耐肉質就會霉,呢項技術令食客食到「新鮮」魚喇!

第一手消息請下載on.cc東方互動iPhone/iPad/Android/Windows Phone Apps