政壇：搞搞政：禮物申報廖長城寧濫毋缺
行政會議規定只要收受禮物嘅價值超過二千元，就要向行會申報。身兼行會成員、資深大律師廖長城早喺今年三、四月期間，收到五星級酒店送贈嘅生果籃同禮物籃等，已急急腳作出申報，事隔約半年後，佢喺中秋節前夕，又收到合共九份形形色色嘅禮物，包括罐裝鮑魚、瑤柱、花菇、奇異果同三藩市特級甜櫻桃等，當然唔少得應節嘅雙黃白蓮蓉月餅，同埋迷你金腿五仁月餅啦。
設計圖片及對白
其中以罐裝鮑魚為例，我哋翻查資料顯示原價係三百八十元，合計兩罐係七百六十元，理論上都未超過申報禮物金額上限，但廖長城都唔理得禮物價值幾多，亦自言對於禮物價值多少都不詳，收到幾多禮物就一併申報，並註明全數捐予「恩情護老中心」，係間有參加護養院宿位買位計劃嘅機構。連串行動似乎反映，寧濫毋缺嘅申報作風開始抬頭，我哋曾致電佢求證，但未獲回覆。
