SUN搞作：SUN官場現形記：無料充四條
公文袋嘅湯大狀，因為唔識分樓市辣招，仲要懶醒去質問人，結果大出洋相。某日，湯大狀又準備出席某聚會，傾吓樓市辣招嘅事……
湯大狀︰你好，你好，咁後生都咁關心呢件事，真係難得！
青少年︰何止關心，直頭日思夜想，肝腸寸斷。
湯大狀︰後生可畏，香港有希望！
青少年︰使唔使講到咁誇張？
湯大狀︰好，講番正題，你覺得會唔會「過辣」？
青少年︰過辣？都唔會，好乎合一向嘅風格！
湯大狀︰點會，香港政府一向推崇自由市場。
青少年︰新歌發布會關政府咩事？
湯大狀︰呢度唔係傾樓市辣招BSD、SSD、同DSD嘅地方咩？
青少年︰呢度係SNSD（少女時代） 嘅新歌發布會，樓市辣招論壇喺隔籬，過主喇！
