內地手機小米走紅,佢哋嘅領軍人物都備受注目,創辦人林斌曾經喺Google工作,過檔小米做副總裁嘅巴拉(Hugo Barra)更話加入Google第二日已經識林斌,後來另起爐灶嘅林斌搵巴拉過檔,巴拉覺得呢個係一生只有一次嘅機會,事關從頭開始打造一間可能會同Google齊名嘅公司,係佢嘅夢想呀!

有傳巴拉因羅森堡搭上Google老闆布林而過檔小米。(資料圖片)

羅森堡

巴拉之前掌管Google全球Android產品業務,紅過炸子雞,忽然過檔,科網Blogger爆料話佢前女友成功俘虜身家高達228億美元嘅Google老闆布林,仲係布林同老婆分開嘅原因添。呢位港產混血美女羅森堡同巴拉,加埋布林同佢老婆,呢段四角關係好睇過電視劇。外界有傳巴拉離開係因為感情問題,不過佢淨係承認喺Google做得唔開心,又強調過檔小米嘅決定絕對唔係一朝一夕,兩者已經傾咗超過一年時間。

第一手消息請下載on.cc東方互動iPhone/iPad/Android/Windows Phone Apps