鄉議局係代表新界嘅團體，而新界人過去搞親保衞鄉間利益嘅活動，都會打出「團結」口號，估唔到鄉議局主席劉皇發連撲水大計都出呢招，尋日大大聲號召鄉民捐二十蚊表團結，希望籌到七位數款項長期抗爭！

設計圖片及對白

點解發叔要撲水？政府早前將大浪西灣村納入郊野公園範圍，鄉議局已經表示強烈不滿，早前該局決定支持西灣村村長提請司法覆核。既然要打官司，鄉議局尋日就決定發起「每人廿蚊大行動」，希望全香港二十七個鄉每名村民捐款二十元，作今次長期抗爭嘅經費。發叔講到明，希望透過今次行動團結村民，向外界證明新界人一條心「無分你我」。

但打官司嘅只係其中一條村，其他二十幾個鄉會唔會反應冷淡呢？甚至有幾多原居民願意捐二十元呢？發叔冇作出估計，佢只係笑笑口話新界人「最少幾十萬」，要籌募七位數字嘅經費並唔困難。

第一手消息請下載on.cc東方互動iPhone/iPad/Android/Windows Phone Apps