人有相似經常會鬧出誤會,日前海關關長張雲正就被誤以為化身band友,為慈善上電視表演籌旗。但係睇真啲,原來係太極樂隊早前上電視為慈善團體表演籌款,其中樂隊低音結他手盛旦華(蛇仔)出場時,唔少紀律部隊人員都嚇咗一跳,紀律部隊人員網頁議論紛紛,以為係「張雲正」上台表演。

張雲正、盛旦華確有幾分似。(資料圖片)

盛旦華

點解會嚇親咁多人?皆因二人無論眼鏡款式、面形輪廓都有幾分相似,但又未至於「幾可亂真」,更何況喺香港,戴黑色粗框眼鏡嘅男人多的是。張雲正私底下係咪band友我哋不得而知,但近日《商品說明條例》剛剛實施,負責執法嘅機關首長張雲正相信忙得不可開交,因為法例中嘅灰色地帶都幾難明白,仲點會得閒上台夾band?

第一手消息請下載on.cc東方互動iPhone/iPad/Android/Windows Phone Apps