SUN搞作：Sun官場現形記：「窮鬼湯」大作戰
貪湯退休後，好掛住用公帑飲食嘅日子，有日佢見到「門常開」有宴會，竟然易容扮露宿者「搵食」，李衞匿埋喺廚房一角，聽到以下嘅對話……
貪湯：我餓咗好耐，又冇錢買嘢食，惟有嚟呢度摷……
廚師：今晚剩番嘅菜，施捨畀你嘅！
貪湯：好嘢……吓！點解會淨係得番呢啲o架？
廚師：咁你想要啲咩吖？
貪湯：點解無魚翅、藍鰭吞拿魚同埋髮菜嘅？
廚師：我哋無用呢啲食材，你咪咁奄尖好喎！
貪湯：你呃人！以前一直都有嘅，我食慣o架！
廚師：因為之前有兩個貪官恃住威為唔顧保育，狂嗌狂食，依家咪禁晒囉！
