美國樂壇天后Rihanna前兩日喺澳門開演唱會，好多名人都去捧場，而佢嘅唱功同舞技更加令到全場粉絲high爆，尋日呢位天后就嚟咗香港出席一個化妝品牌活動，而有份參與其中嘅靚太Deborah Hung亦表示好興奮。

Deborah準備同老公去米蘭睇時裝騷度中秋。

喺活動結束後，記者問佢感覺如何？佢都好high咁話，好開心見到Rihanna，仲形容Rihanna係佢最鍾意嘅其中一個女性，亦都係一個不可多得嘅女性咁話，又大讚Rihanna舞技出眾。咁有冇去睇佢演唱會呀？佢話：「尋晚睇咗Rihanna嘅演唱會，仲喺後台同佢影咗張相添！真係好開心。」哦！原來佢都有去澳門捧場。　

過幾日就係中秋節，有乜節目呀？佢話到時會去米蘭睇時裝騷。咁咪即係撇低老公？話口未完佢補多句，話係同老公一齊去o架！兩公婆簡直係糖黐豆呀！佢又好老實咁話，佢老公嘅style都係由佢一手包辦，至於佢自己就有自己一套，雖然佢好欣賞Rihanna，但佢着衫同係乜嘢style都好睇佢嗰日嘅心情，所以唔會淨係跟風咁話喎！

第一手消息請下載on.cc東方互動iPhone/iPad/Android/Windows Phone Apps