早前發生爆粗辱警風波嘅小學教師林慧思，雖然風波暫時平息，依家亦已經開學，但佢嘅有薪病假仲未放完，即係仲喺度抖緊，然而近日盛傳佢有意棄執教鞭從政，唔通佢想女承父業，繼承其父、前觀塘區議員林森成嘅衣鉢？林慧思前日主動喺社交網站闢謠，澄清自己唔會參與任何議員選舉，仲話「極其量只會參選亞洲小姐」，自誇選亞姐贏面大過選議員添！

林慧思

林慧思透露，佢媽媽最憎屋企人參選議員，早年幫林父助選亦已幫到怕怕，堅決向從政說不。林慧思寧願選亞姐得到唔少網民支持，仲預告林慧思會贏添！觀乎近年亞姐佳麗不乏奇人異士，林慧思憑佢三寸不爛之舌，隨便喺問答環節露兩手，亞姐寶座仲唔係佢嘅？

第一手消息請下載on.cc東方互動iPhone/iPad/Android/Windows Phone Apps