政壇：劉慧卿投訴《信報》標題
民主黨主席劉慧卿上星期五電郵咗封信畀《信報》總編輯，指該報喺社交網站嘅專頁有一條標題不符事實，係極不公允同不負責任，卿姐話民主黨好憤怒，要求對方提出事實同證據支持有關講法，否則要求佢立即撤回有關標題。
劉慧卿
卿姐封信講，當日《信報》報道題為「換取泛民入閘 民主黨不否定 劉慧卿倡『復活』李柱銘方案」，該報喺社交網站轉載同節錄內容時，但係網上版本另加標題：「底線愈來愈退讓 民主黨又要再次出賣港人嗎？」卿姐封信話，有關標題已脫離該報原有報道嘅內容同主題，而且不符事實，極不公允和不負責任，所以去信表達憤怒，要求對方提出事實同證據支持有關講法，否則要求立即撤回有關標題。
我哋尋日再去網站睇過，發現篇報道已經唔見咗喇。
