政壇：李宗德推崇獅子山精神
和富主席Joseph李宗德做過環境保護運動委員會主席，依家除擔任扶貧委員會社會創新及創業發展基金專責小組副主席，仲繼續積極做青年發展工作。喺環保、扶貧同青年工作呢三件完全冇關係嘅事上，Joseph竟然話其實同出一轍，只要大家都擁有呢樣嘢，所有問題自然迎刃而解。
李宗德話只要人嘅素質好，乜嘢問題都可以迎刃而解。
Joseph解釋，如果港人嘅素質好，自然就會有環保意識，亦會識得照顧身邊人嘅感受，見到有需要幫助嘅人，會由心而發咁主動幫手，所以環保同扶貧工作就咁搞掂。至於青年發展又係點呢？佢話呢樣工作除咗要青年人對香港呢個家有歸屬感外，仲要大家學會適應隨住時代轉變。面對社會熱論嘅自由行問題，如果港人會包容，同時發揚自己優良文化及素質嘅話，咁就乜都唔怕啦！所以最重要係發揮「獅子山精神」咁話。
