恭喜恭喜！梁振英的民望一直下沉，今回民調顯示，佢嘅評分在放假期間，由四十三點七分，微彈兩分至四十五點七分，僅僅重返警戒線之上。捏一把汗！

梁特放假，香港新聞奇靜，佢老哥一蒲頭，全港即「雄起來」（舊語係「活起來」），真多得佢唔少也！振英哥開工兩日之嘛！有關郊野公園盲搶地，大家便講到口臭，反而忽略咗佢另一番偉論。梁特出席探討房屋問題午餐會，主動回應有團體「叉卵廚」香港房屋問題並非缺地，而係新增大陸人口太多，香港廢柴政府無取回內地人單程證審批權之故。梁特反駁話過去十年，香港人口出生率低，仲差過新加坡！佢仲話，本港房屋問題關鍵唔係限制人口增加，而在於建屋數量唔夠，要有充足土地供應，才是「治本良方」喎！可能，佢真係唔知，香港人口出生率點解會下降！主因就係呢度生活環境愈來愈差，愈來愈不適合人類生存呀！香港人怕下一代受苦，而自己又無能力移民離開，所以，才不想生小孩，連累他們呀！加上，這兒的道德人格水平，是開埠一百六十年來最崩壞的呀！今屆的庸官廢吏是回歸十六年來最無能卑賤的呀！管治水平，更是有紀錄以來之最不堪的！仲未計大陸的劣質文化，像污水般湧進，而這兒卻沒設防，任由噴射，唔一身潺就怪矣！

講番轉頭，梁特放假唔做嘢，民望立刻反彈回升，而那運房局的張炳良喺呢段時間，努力工作，話望十年內起四十七萬個單位，其淨支持率卻急墮八個百分點。咁即係話叫政府官員唔好做嘢之時，叫特首繼續放假，咁香港社會「國泰民安」乎？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps