SUN搞作：少膽虫手記：不要怕動身淫
不少新聞系同學對爛果動身淫嘅製作好有興趣，最近又有調查話，初中學生睇完覺得好客觀，大家都推崇備至。有見及此，少膽虫決定狗噏24，公開動身淫製作秘訣，希望唔了解動身淫呢行嘅朋友，可以毋須驚訝。
首先係概念。概念好重要，而爛果賣嘅概念雖然係淫賤，但係除咗淫賤黎之外，一個人好難淫得起嚟，所以要約埋一大班同事一齊brainstorm吓意淫嘅橋段，上司們覺得可以供淫賤黎淫樂喇，先至開始做。
其次呢，都係概念。不過呢個概念係「大概」咁解，亦即係求其睇吓單新聞，再直接抄人哋嘅相同埋報道就算喇，絕對唔可以浪費太多心力喺呢啲位。總之新聞本身係唔重要o架，重要嘅係點樣運用創作力量和幻想，畫出最煽情同最高點擊率嘅動畫。
最後，梗係唔少得英明嘅領導同忠誠嘅主管啦！正所謂沒有淫賤黎，就沒有動身淫！無咗佢，爛果一「動」都無。呢個真理，少膽虫深信不疑，唔係都做唔到今時今日腦腫呢個位啦！
