政壇：阿里巴巴令李小加頭痕
港交所總裁李小加近排畀阿里巴巴上市單嘢搞到頭都痕，不停穿梭上市科、上市委員會同證監會之間密斟，好彩最近港交所上市科首次公開招股交易部門（IPO team）喺投行撬咗兩名猛將加盟，出任上市科總監。唔知有冇「絕世好橋」可令阿里上市單嘢重現生機呢？聽聞，兩位上市科「新星」，一個係來自美資投行嘅律師，八月尾加盟。另一個就來自歐資投行研究部，九月初加入。
李小加
其實，上市科內部仲有大把工作要做，事關十月一日起保薦人新規定就出台，要求保薦人做足「工夫」至好提交上市申請嘅同時，上市科自己都要提高效率，加快審批，縮短上市流程，故需增加人手應付。
