索女搣行車證阻抄牌
索女不滿被抄牌，搣行車證喪鬧警員！前日網上瘋傳短片，指元朗炮仗坊一名地產公司女董事駕車時不滿遭抄牌，在街頭喪鬧警員，有目擊事件的網民指證，她即舉機反拍。警員抄牌期間，索女欲硬搶警員告票簿，更「閃電手」搣走行車證，終因涉嫌阻差辦公被捕。索女行為被上載上網即被網民喪鬧：「呢啲女人真係惡，警察都唔驚！」昨晚索女則呼冤：「有合作畀警員抄牌，又指畀成件事搞到精神崩潰，寢食難安！」
該段名「元朗炮仗坊可愛大胸美女 亂泊車愛罵人」短片，自前日上載互聯網至今，已有逾三萬點擊率。事發於前日下午三時許，當時一名身穿藍色連身裙、駕白色七人車的姓朱（三十二歲）女子，疑不滿警員向她派「牛肉乾」而大發雷霆，眾目睽睽下狂鬧抄牌警員：「你無權抄我牌」、「你咩意思先？我已經走緊，係你截停我」。擾攘期間，朱擬伸手搶走警員告票簿，更一度搣走行車證力阻警員抄牌。一名拍片網民聲稱目擊事發經過：「我見到阿Sir係前面叫佢（女司機）走，但佢轉頭又返嚟！」朱隨即舉機反拍，又問「你係咪有精神病？」、「點解你要做架樑，係咪好得閒？」該網民不甘示弱，反唇相稽：「我只係盡好市民嘅責任！」朱其後返回車廂欲驅車離開，但被警員制止。警員同時通知上級增援，不久多名警員到場包圍七人車。
涉阻差辦公被拘
警方初步調查後，鑑於已多次向朱發出口頭警告但不獲理會，故以涉嫌「妨礙警務人員執行職務」把她拘捕，目前獲准保釋候查。
片段前日曝光，引來網民瘋狂轉載熱議。除有網民直斥朱行為離譜，亦不乏有人主持公道：「其實可能係阿Sir指示唔清晰，不如睇埋女司機車頭段片至定罪啦！」昨晚姓朱女司機回覆本報：「當時有畀行車證給警員抄牌，但最終都冇收告票；又指當時有網民拍片阻住晒，搞到精神緊張！」。
