城中鏡：郭炳湘夫婦「齊」撐郭志怡
名媛郭志怡前晚舉行新書發布會，好多城中名人都有嚟撐場，當中包括郭炳湘同太太郭李天穎，不過佢哋係前後腳到場，仲有李錦記新抱Mahnaz Lee，現場所見，大家言談甚歡。
郭志怡（右）同Mahnaz Lee言談甚歡。
郭炳湘（左）為郭志怡出新書舉杯。
郭李天穎同老公郭炳湘前後腳到場。
Ana R.話手上戴着嘅戒指係佢最愛嘅藍寶石。
Ana R.騷戒指證「婚」
另外，日前喺Instagram公布男友Brad求婚成功嘅名模Ana R.都有嚟撐場，仲風騷話手上戴着嘅戒指係佢最愛嘅藍寶石。被問到男友求婚的過程，Ana R. 好開心咁話：「我完全冇心理準備，我哋喺餐廳食飯，平時佢應該坐我對面，但嗰日佢坐我隔籬，喺上甜品時，突然攬住我，拎出一個盒，同我講『Will you marry me?』」
被問到當時有否感動到喊？佢就話曾想過若求婚時有煙花、有樂隊伴奏會喊，跟住話：「雖然冇樂隊、冇煙花，但已好感動，我打電話同媽咪講時有喊，原來Brad一早同爹哋媽咪講咗，我係最後一個知。一切事情都未定，我仲好似發緊夢咁！」
