城中鏡：林鈺華親子理財靠利是
所謂三歲定八十，向小朋友灌輸理財知識好重要，花旗銀行環球個人銀行服務香港區總經理Christine林鈺華，喺呢方面好有自己嘅一套，有理論兼有實際，令三個寶貝仔女從小學習理財。
林鈺華話喺日常生活都可以教育下一代正確嘅理財態度。
Christine自稱係好民主嘅媽媽，雖然佢會將仔女嘅利是錢全部存入銀行戶口，但就會每個月將銀行嘅月結單畀仔女過目，證明啲錢真係幫佢哋儲緊o架！
Christine仲會畀小朋友提取其中嘅百分之十五嚟買心頭好添，話要畀啲驚喜佢哋咁話喎!
佢仲話唔好以為錢銀嘅事同小朋友無關，其實喺日常生活，簡單如買個早餐，都可以教育下一代正確理財態度。花旗香港同保良局合作，推出全新一套「Agent Penny與Will Power」漫畫同話劇，教導小學生理財，今年第一場話劇已舉行咗，Christine趁機同大家分享點樣教小朋友理財。
依家香港打工仔女成日嘆儲唔到錢，證明理財並非「小兒科」o架！
