SUN搞作：每個男人都會犯錯
李衞尋日捕到貪湯，即刻關心吓佢撞完車有冇受傷。點知貪湯竟然嬉皮笑臉左推右推，乜都唔認之餘仲懶係淡定，唔知個醜字點寫，呢啲咪係貪官囉！
李衞：貪湯，早排你炒車喎，乜你咁唔小心呀？
貪湯：唔係……你誤會咗嘞！
李衞：正義傳媒影晒相喎，你架車撞牆，唔係撞車唔通玩碰碰車呀？
貪湯：我認我係有啲唔清醒，控制唔到，不過絕對唔係我嘅責任！
李衞：咁你有咩解釋呀？
貪湯：我之前啱啱食完飯，內地有位「閨蜜」盛意拳拳拎支茅台出嚟，於是我咪……唔小心囉！
李衞：哦，你醉駕！
貪湯：我不過只係「犯咗每個男人都會犯嘅錯」啫！
李衞：好學唔學，學埋大哥啲衰嘢，你小心車毀人亡呀！
貪湯：嘻嘻，人一定唔會亡嘅，架車爛咗，我可以叫錯鑫送架畀我，佢大把車等住撞啦！
李衞：efod@$)!(%!@#(~()!
