SUN搞作：SUN官場現形記：搵地傻仔波
尋日撞到局長波波，見佢放完假，李衞就測試吓佢做官嘅敏感度，睇吓佢「有心」發展新市鎮嘅程度去到邊，點知佢……令人跌晒眼鏡！
李衞：局長想搵地發展，李衞有好推介！
波波：講嚟聽吓？
李衞：（演說狀）塊地位處金融地帶，毗鄰權力核心，向北就係維港，仲同上環金鐘做鄰居添！
波波：咁筍？係咪真㗎？
李衞：（有信心）李衞無呃你o架！仲可以喺旺舖上蓋發展物業，實吸引唔少住客！住屋問題話唔定可以成功解決呀！
波波：交通方唔方便o架？
李衞：（有信心）點止方便，仲係正。夜晚揸車返歸，置身於一個笙歌酒月嘅環境之中，可以好好享受吓「醉駕」嘅感覺！
波波：旺唔旺o架？
李衞：（忍笑）唔使擔心，大量多國籍人士由朝聚到晚，佢哋有啲做埋生意，賺好多錢o架！
波波：因乜解究有個咁正嘅地方？嗰度叫咩名？
李衞：（不屑大踢爆）點解？咪因為你哋班官將問題置之不理囉！嗰度係老蘭呀！
