城中鏡：名媛交流御「膚」心得
有化妝品牌精心鑽研驚世抗老科技，研製出全新嘅護膚品。該品牌早前就搞咗個茶敍，邀得多位城中名人出席，包括教育局前政治助理楊哲安嘅太太張燊悅、周美鳳同莫華倫太太邱文伶等互相分享美容心得，仲一齊體驗呢種護膚品嘅抗老護膚功效。
黃美儀（左起）、周美鳳、張燊悅同戴凱欣一齊分享美容嘅心得。
劉倩婷親手調製適合自己氣味嘅香包。
喺布置典雅舒適嘅活動場地內，一眾嘉賓一邊享受精緻茶點，一邊感受品牌悉心安排嘅手部按摩同各式體驗。為配合其中一種含宇治綠茶精華嘅護膚系列，大會特別安排日本傳統茶道大師向名人嘉賓示範沖泡高級宇治綠茶，同介紹茶道精神，讓嘉賓細味品嘗日本傳統茶道嘅精髓。張燊悅更即席親手嘗試磨製綠茶粉末，笑言需要好大力氣先能夠轉動石磨，既可鍛煉身體，又可以為肌膚提供高效抗氧化功能。
另一種護膚系列係調和多種日本花卉嘅細膩花香，透過按摩紓緩身心，大會特意安排專業導師指導眾名人嘉賓混合玫瑰、梅花同櫻花，製作專屬個人嘅香包，進一步細膩感受柔和香氣。有份出席嘅劉倩婷話：「未曾試過親手調製適合自己氣味嘅香包，知道玫瑰可以美容養顏，我會放多啲。」
