政壇：羅范椒芬任國開行港事顧問
喺特首話收緊申報制度，擴大申報範圍後，我哋發現行政會議成員羅范椒芬最近亦申報有新職喎！羅范喺今個月五號新申報咗擔任國家開發銀行香港事務顧問嘅受薪職務，但佢話擔任國開行嘅顧問並唔係特定職務，只係該行有需要時，先同佢接觸了解意見，故所謂嘅薪酬亦只係象徵式。
羅范椒芬話擔任國家開發銀行嘅顧問並唔係特定職務。（資料圖片）
國家開發銀行係國有獨資商業銀行，主要通過開展中長期信貸同投資等金融業務，為國民經濟重大中長期發展戰略服務。除咗羅范椒芬獲委任嘅香港事務顧問之外，該行亦有多名國際顧問委員，包括美國前國務卿基辛格、前瑞士駐華大使烏利．西格、香港中文大學前校長、中投國際（香港）有限公司董事長劉遵義同埋香港證監會前主席沈聯濤等。
