政壇：沈祖堯籲尊重課堂咪遲到
近日有大學向家長發信邀請出席家長日引起廣泛討論，有意見認為做法猶如大學「小學化」，批評院校未有讓學生學習獨立自主。尋日喺一個活動見到中文大學校長沈祖堯，問起呢件事時，佢認為學校係有需要同家長溝通嘅，而舉辦活動同家長交流並冇問題，事關外國院校亦有舉辦類似嘅活動，所以唔可以一概而論，但佢認為將呢啲活動改稱為「交流日」，或者可減少標籤咁話。
設計圖片及對白
另外，對於有大學教授要求遲到學生罰企，沈校長認為只係個別情況，一般大學課程唔會好似中小學咁要求點名。佢又以個人經驗為例，話讀大學嘅時候，一旦遲到就唔可以進入課室，認為做法係尊重課堂。
