SUN搞作：Sun官場現形記：吳得掂化身雞、蟲！
大學迎新營又被人鬧，吳得掂身為局長，自然走唔甩，只見吳得掂驚到腳都震埋，要同一班家長唇槍舌劍一番……
設計對白
家長A︰我個仔喺港鐵車廂玩迎新營，被人鬧小學雞！你點負責？
家長B︰我個仔喺迎新營玩有身體接觸嘅「毛毛蟲」，就被人鬧淫蟲，你話點算？
吳得掂︰其實好小事，大家唔使太緊張。
家長A︰嘩，咁都叫小事，畀人鬧「雞」、「蟲」喎！
吳得掂︰好……好……我會處理！
家長B︰我唔理，我要你即刻搞掂佢！
家長A︰唔通，我真係要同個仔一齊返學？（只見吳得掂咯咯叫同喺地上爬）
家長B︰你喺度做咩？
吳得掂︰咁我最怕你哋家長變「怪獸」，奶媽淋淨又唔喺度，我咪扮埋雞、蟲一份，做你哋同伴，希望你哋放過我！
家長A︰咁都得……
